Nakuratan ang mga tribu sa Barangay Ilomavis, Kidapawan City, sa nahimong desisyon sa MANP-Cotabato, nga pasirad-an ang pipila ka mga areas o tourist spot sa naasoy nga lugar.
Sumala pa ni MADADMA Chairman ug Kidapawan City IPMR Datu Damaso Bayawan, adunay katungod ang mga tawo sa maong pagprotesta nga nahitabo kagahapong adlawa tungod sa pinakalit nga closure order.
Dugang pa ni Datu Bayawan, gusto nga mahitabo sa tribu nga dili ang susamang desisyon sa pagpasara dayon apan kinahanglan nga adunay protocol nga pagasundon aron dili makurat ang mga tribu labi na ang mga naga negosyo sa naasoy nga mga dapit.
Kahinumduman, nga gipasara sa DENR pinaagi sa MANP-Cotabato ang pipila ka tourist spot sa nahisgutang barangay sama na lamang sa Popot-Usa Overview, hinungdan nga nagprotesta ang mga tribu atubangan sa buhatan sa MANP-Cotabato kagahapong adlawa.
Hangyo ni Datu Bayawan, nga lingkoran ang maong isyu aron matod pa masabtan sa katawhan ang balaod sa DENR ingon man masabtan usab ang balaod sa tribu.
Photo Courtesy to : Brgy. Ilomavis
