Nasikop ang usa ka suspetsado nga Top 9 Most Wanted Persons (MWP) sa provincial level ilawom sa EMPO sa usa ka late-night operation sa Davao City, kini alayon na sa padayon nga kampanya batok sa mga wanted person sa Surigao del Sur Police Provincial Office (SDSPPO).
Ang nadakpan giila sa alyas nga “Wen2x,” 42-anyos, usa ka panday ug residente sa Barangay Caburan Small, Jose Abad Santos, Davao Occidental. Nadakpan kini alas 11:00 sa gabii niadtong Abril 14, 2026 sa CM Recto Avenue, Poblacion District.
Gipangulohan ang operasyon sa Bislig City Component Police Station ubos sa liderato ni Jassen N. Tuario, Officer-in-Charge, uban sa koordinasyon sa Jose Abad Santos Municipal Police Station ug Davao Occidental Police Provincial Office.
Nadakpan ang suspek base sa Warrant of Arrest tungod sa paglapas sa Section 5(h) sa Republic Act 9262. Ang maong warrant gi-isyu niadtong Enero 24, 2025 sa Regional Trial Court, Branch 14 – Family Court sa Bislig City, nga adunay piyansa nga Php72,000.
Human sa pagdakop, gidala ang suspek sa Tandag City Component Police Station alang sa hustong dokumentasyon ug disposisyon.
Photo courtesy: Surigao Del Sur Police Provincial Office
