Gibutyag ni Jenny Alcobilla, ang Chief sa Agribusiness Industry Support Section sa Department of Agriculture 10 nga anaa silay mga na-monitor nga retailer sa gulay sa Cogon ug Carmen market nga nagpasulabi sa pagpasaka sa presyo tungod sa krisis sa petrolyo, apan ilaha na matod pa sila nga nasita.
Bisag walay standard retail price ang DA sa mga gulay, ilahang gibasehan ang presyo niadtong wala pay krisis sa lana.
Human sa ilang pagsita, naminaw man hinuon ang mga vegetable vendors ug wala na misangpot pa sa pagpahamtang og legal nga aksyon.
Gihangyo sa DA ang mga mamaligyaay og gulay nga hatagan og konsiderasyon ang mga konsumante gumikan kay kitang tanan pareho nga nakasinati sa kalisod.
