Dakpan sa mga otoridad ang usa ka indibidwal atol sa gipatumang hiniusang manhunt operation niadtong Abril 14, 2026 didto sa Barangay San Miguel, Cateel, Davao Oriental.
Gihimo ang operasyon pinaagi na sa pwersa Cateel Municipal Police Station, kauban ang Lingig Municipal Police Station ug Regional Special Operations Group 11 nga miresulta sa pagkasikop ni alyas “Jomar,” nga gikonsiderang other wanted person.
Naaresto ang suspek pinaagi na sa pagpatuman sa warrant of arrest alang sa kasong Frustrated Homicide, ilalom sa Criminal Case No. 2005-09-2548-L nga giisyu sa Presiding Judge sa Regional Trial Court, Branch 29, Eleventh Judicial Region, Bislig City, penitsahan niadtong Abril 4, 2006 ug adunay pyansang girekomendar ang korte nga mukabat sa ₱24,000.00 alang sa iyang temporaryong kagawasan.
Sa karun gikustodiya na sa kapulisan ang dinakpan alang sa pormal nga disposisyon.
Photo Courtesy: Cateel MPS
