Nasikop sa usa ka buy-bust operation ang usa ka top priority drug personality sa Hagonoy, Davao del Sur niadtong Abril 14, 2026, alas 9:50 sa gabii sa Purok 2, Barangay Guihing, Hagonoy, Davao del Sur.
Gipahigayon ang operasyon sa Municipal Drug Enforcement Unit sa Hagonoy Municipal Police Station, kauban ang RSOG 11, PDEU ug PIU sa DSPPO, RID 11, 1104th RMFB ug 2nd DSPMFC.
Ang nadakpan giila nga si alyas “YOBZ,” 26 anyos, lalaki ug residente sa maong barangay, nga gituohang nalambigit sa pagbaligya og ilegal nga droga.
Karon, anaa na sa kustodiya sa kapulisan ang suspek samtang giandam ang kasong paglapas sa Republic Act No. 9165.
Padayon usab ang pahimangno sa kapulisan sa publiko nga magpabiling alerto ug makigtambayayong sa mga awtoridad aron mapadayon ang kalinaw ug kaluwasan sa komunidad.
