Dakpan sa mga otoridad ang usa ka wanted individual sa gipatumang joint manhunt operation didto sa Purok Caimito, Barangay Panan-awan, Maasin City, Southern Leyte pasado alas 4:00 sa hapon niadtong April 8, 2026.
Ang operasyon gihimo sa mga personahe sa Cateel Municipal Police Station ug sa koordinasyon sa Maasin City Police Station ingon man kauban ang mga operatiba sa Provincial Intelligence Unit (PIU) DOPPO, nga miresulta sa pagkasikop ni alyas “Arch”, 44-anyos, usa ka laborer ug residente sa maong lugar.
Ang suspek naaresto pinaagi sa pagpatuman sa warrant of arrest alang sa kasong paglapas sa R.A. 10591 (Comprehensive Law on Firearms and Ammunition) ilalom sa Criminal Case Number 4850-2022 nga giisyu sa Acting Presiding Judge sa Regional Trial Court, Branch 7, 11th Judicial Region, Baganga, Davao Oriental nga penetsahan niadtong Pebrero 18, 2022 ug adunay pyansang girekomendar nga mukabat sa ₱100,000 alang sa iyang temporaryong kagawasan.
Sa pagkakaron ang dinakpan anaa na sa kustodiya sa kapulisan alang sa tukmang lakang.
