Dakpan si alyas “Pogs” atol sa usa ka buy-bust operation nga gipasiugdahan sa Davao de Oro Police Provincial Office, pinaagi sa Compostela Municipal Police Station ug sa koordinasyon sa 1st Davao de Oro Provincial Mobile Force Company, didto sa Barangay Poblacion sa nahisgotang municipalidad.
Ang suspek residente sa samang barangay, kinsa nadakpan tungod sa paglapas sa Republic Act No. 9165, o nailhan usab nga Comprehensive Dangerous Drugs Act of 2002.
Nakuha gikan sa suspek ang usa ka sachet sa gituohang shabu nga gimarkahan isip buy-bust item, upat pa ka sachet sa gituohang ilegal nga droga, ug ang gimarkahan nga buy-bust money.
Ang hustong pagmarka, pag-imbentaryo, ug pagdokumento sa mga nakumpiska nga ebidensya gihimo sa lugar sa nahitaboan uban sa mga gikinahanglan nga saksi subay sa Section 21 sa balaod.
Kasamtnagan na nga nakakustodiya sa Compostela Municipal Police Station ang suspetsado alang sa hustong disposisyon, samtang ang mga awtoridad nagpadayon sa pagpakusog sa mga operasyon batok sa ilegal nga droga sa tibuok probinsya.
