Hugot karon ang pahimangno sa LGU Nabunturan kabahin sa plitehan sa mga tricycle sa Poblacion sa maong lungsod, nga sundon ang gihatag nga taripa ilawom sa ordinance 2024-25 nga gi-aprobahan sa Sangguniang Bayan sa nasangpit nga Munisipyo.
Sumala ni Philip Sayong Jr. ang BPLO Supervising Administrative Officer sa LGU Nabunturan, nga base sa gipagawas nga taripa nagtaas ang pamasahe sa mga tricycle ug 3 pesos, ug magapadayon sa pagtaas apan naka depende sa prisyo sa gasolina.
Tumong niini aron malikayan ang kagubot tali sa pasahero ug sa mga driver operator, ingon man agig pagtagad na usab sa mga driver nga maoy unang apektado sa nagkamahal nga prisyo sa gasolina sa tibuok nasud.
Photo Courtesy:flickr
