Gipadali sa BFP-Special Rescue Force XII (BFP-SRF XII) kauban ang Polomolok Fire Station aron makalot ang usa ka operator sa Backhoe nga natabunan sa Brgy. Magsaysay, Polomolok, South Cotabato kagahapon Abril 07, 2026.
Kini nga operasyon gihimo ubos sa pagdumala ni Fire Chief Superintendent Jerry C. Lamanero, Distinguished Service Cross, ang Regional Director sa BFP-12, ug gipangulohan ni Fire Superintendent Lowyn G. Amoyar, ang Chief sa SRF.
Gi-cordon dayon sa mga bombero ang palibot ug gisusi kon luwas ba ang dapit sa dili pa sila mosulod sa ground zero. Importante kini nga lakang aron masiguro nga dili madisgrasya ang mga rescuer samtang ginahimo ang operasyon sa pagkuha sa biktima nga natabunan sa yuta uban sa iyang makinarya.
Natultulan ug nakuha ang lawas sa maong biktima sa ilalom sa yuta apan wala kini kinabuhi sa tabang sa mga batid nga responders.
Naghangyo ang BFP-SRF XII sa publiko nga mag-amping kanunay ug sundon ang mga pahimangno sa kaluwasan. Nagpasalamat usab ang tibuok pwersa sa kooperasyon sa mga residente sa dapit samtang ginahimo ang maong operasyon.
