Napugngan nga makasulod ang duha ka dahon sa pinauga nga tabako human kini nakuha gikan sa usa ka babaye nga giilang si alyas “Juana,” 59-anyos kinsa mibisita unta sa iyang live-in partner didto sa sa Ormoc City Jail Male Dormitory niadtong nakalabay nga adlaw.
Subay pa sa imbestigasyon sa otoridad, samtang nagpahigayon og body search ang mga sakop sa BJMP, nakapkapan ang duha ka dahon sa tabako nga nakasuksok sa iyang bra. Hugot nga gidili ang pagdala, ilabi na ang pagpalusot sa maong kontrabando sa sulod sa prisohan.
Tungod niini, mag-atubang ang maong babaye sa paglapas sa City Ordinance No. 71.
Samtang, padayon gihapon ang pagpatuman sa zero-tolerance policy batok sa pagpasulod og kontrabando sa pasilidad aron maseguro ang kaluwasan sa mga personnel ug sa mga PDL.
Photo Courtesy: Ormoc Jail-Male Dormitory
