Nagpahigayon og pakigdialogo ang kapulisan sa Nabunturan Municipal Police Station ubos sa pagdumala ni PLTCOL Gomersendo L. Diwata II, Chief of Police uban sa mga lideres sa transport groups ug community stakeholders aron hisgutan ang kahimtang sa fuel security ug kahapsay sa publiko niadtong nakalabay nga adlaw.
Tumong niini mao ang paglikay sa posibleng panagbangi nga may kalabutan sa suplay sa gasolina ug pagdumala sa peace and order, ilabi na sa epekto sa nagpadayon nga tensyon sa internasyonal nga lebel sa nasod sa middle east tali sa Irsrael US-Iran conflict.
Gipasiugda usab sa mga otoridad ang papel sa transport groups ug komunidad sa pagtabang sa pagmonitor sa sitwasyon pinaagi sa pagreport sa mga insidente sama sa hoarding, ilegal nga pagbaligya, ug sobra nga pagpataas sa presyo sa fuel.
Padayon usab nga gihangyo ang publiko nga makigtinabangay sa mga awtoridad aron malikayan ang krisis ug masiguro ang hustong distribusyon sa gasolina sa komunidad.
Photo Courtesy: PNP Nabunturan
