Arestao el un alegao drug personality, despues este man sideline bende aleagao shabu, durante el operacion contra illegal droga del combinao puersa del PDEA y pulis na ZONE 3, Don Alfaro street, barangay Tetuan en este Ciudad, del Marso 26, 2026.
Con el suspechao ya identifica como si Aldazer alih Bakri alyas “Den-den” 40-anyos hombre y residente des del Barangay Sta. Barbara en este ciudad.
Na mencionao operacion, exito ya puede confisca con el suspechao, valor Php3,400,000.00 de alegao shabu y el buy-bust money.
Mientrastanto el maga evidencia ya lleva na crime laboratory para el propio examinacion mientras el suspechao, detenido na carcel del otoridad y esperansao hay emfrenta el caso bajo na acto republica 9165 o mas conocido como the comprehensive dangerous drugs act of 2002.
