Gipadayon karon sa Commission on Elections o COMELEC sa lungsod sa Ipil ang ilang voter registration program isip pagpangandam sa umaabot nga eleksyon.
Sumala sa COMELEC Ipil, abli ang ilang opisina alang sa mga bag-ong botante, mga magpa-reactivate sa ilang rehistro, ug kadtong magpa-update sa ilang voter information.
Gidasig sa ahensya ang tanang kwalipikadong botante, ilabi na ang kabatan-onan nga nakaabot na sa hustong edad, nga magparehistro aron makabotar sa sunod nga piniliay.
Gipahinumduman usab ang publiko nga magdala sa hustong mga dokumento sama sa valid ID aron mapadali ang proseso sa registration.
Padayon ang panawagan sa COMELEC nga dili pasagdan ang katungod sa pagboto ug magparehistro sa tukmang panahon aron malikayan ang pagdagsa sa katapusan nga adlaw.
Dugang pa sa ahensya, ilang gipahigayon ang special registration schedules sa pipila ka barangay aron mas mapaduol ang serbisyo sa katawhan, labi na sa mga residente nga layo sa sentro sa lungsod.
Gipahimangno usab sa COMELEC nga ang voter registration adunay takdang deadline, busa giawhag ang publiko nga dili na maghulat sa ulahing higayon aron malikayan ang kahuot ug kalangan sa proseso.
Photo Courtesy:Comelec Zamboanga Sibugay FB page
