Miabot sa 28 ka mga indibidwal ang nakasinati ug mga sintomas sa rabies sulod sa tuig 2025, kini subay sa gipagawas nga datos sa Department of Health (DOH) Region 9.
Matod ni Dr. Dennis Antonio Dacayanan OIC Chief Local Health Support Division sa DOH Region 9 ang nasulod lang sa ilang surveillance kadto lang nakasinati ug sintomas sa rabies gikan sa nagkalain-laing probinsya sa rehiyon.
Gibutyag usab, nga kadaghanan sa mga kaso naggikan sa mga indibidwal nga wala dayon makapabakuna o nakapangayo ug tabang medical human mapaakan sa hayop diha sa ilang lokalidad.
Pagpasabot niya, ang rabies usa ka delikado ug makamatay nga sakit nga kasagarang makuha pinaagi sa paak sa iro o ubang hayop nga adunay rabies o virus.
Alayon niini, padayon ang panawagan sa DOH 9 ug sa mga lokal nga panggamhanan nga magpabakuna dayon batok sa rabies ug mangayo ug tambal sa labing duol nga health center kung mapaakan o makawrasan sa hayop.
Photo Courtesy: yahoo
