Patay ang usa ka 39-anyos nga lalaki human gipusil sa wala mailhing suspek, alas 9:40 sa buntag, niadtong Martes, Marso 10, 2026, sa usa ka carwash shop sa Purok Nopol B, Barangay Conel, Dakbayan sa General Santos.
Giila sa kapulisan ang biktima nga si Mark Louie Majaducon, hamtong ang panuigon, minyo ug residente sa JBBC Homes sa maong lugar.
Base sa inisyal nga imbestigasyon, naglimpyo lang sa iyang motorsiklo ang biktima sa dihang kalit kining giduol sa riding in tandem ug gipusil sa ulo nga nagresulta sa iyang kamatayon.
Human sa krimen, dali nga misibat ang mga suspek sakay sa usa ka Mio 125 paingon sa direksyon sa Barangay Mabuhay sa dakbayan.
Sa pagkakaron, nagpadayon pa ang follow-up investigation sa kapulisan sa General Santos aron mailhan ang mga suspek ug masuta ang tinuod nga motibo sa pagpamusil.
Photo Courtesy: Kyla Ponteras
