Mibisita sa Malacañang Palace ang “Queen of All Media” nga si Kris Aquino niadtong Biyernes, Marso 6, aron motambong sa usa ka espesyal nga birthday lunch uban ni Ferdinand Marcos Jr.
Ang maong pagbisita nahitabo human sa hapit usa ka dekada sukad sa iyang katapusang pag-adto sa palasyo. Dugang niini, ang paniudto gihimo sa Bahay Pangulo diin giandam mismo ni Liza Araneta-Marcos ang usa ka “home-cooked lunch” isip belated birthday celebration alang sa aktres ug TV host.
Sumala sa report, gipasiugdahan ang maong panagtagbo sa ilang komon nga higala nga si Michael Leyva, usa ka inila nga fashion designer sa nasud. Nahimong higayon usab kini sa ilang pag-istorya ug paghinumdom sa ilang panaghigalaay.
Kahinumduman nga ang katapusang pagbisita ni Kris Aquino sa Malacañang nahitabo pa niadtong 2016 sa wala pa matapos ang termino sa iyang igsoon nga si Benigno Aquino III.
Photo Courtesy: x
