Gipadayag sa Provincial Agriculture Office sa Zamboanga del Sur nga gikatakdang i-activate ang Provincial Price Coordinating Council o PPCC, aron tubagon ang padayon nga pagsaka karon sa presyo sa gasolina, bugas ug uban pang basic commodities nga nakaapekto sa mga konsyumer sa probinsya.
Sa pakighinabi sa Juander Radyo News Team kang Provincial Agriculturist Dante Lao-ay, gibutyag niini nga gimugna na karon sa Sangunian Panglalawigan ang resolution, aron pag-activate sa konseho nga nagtumong sa pagmonitor sa presyo sa mga palaliton sa merkado, pag-assess sa suplay sa mga palaliton og pagrekomenda sa mga lakang aron maprotektahan ang mga konsyumer.
Segon ni Lao-ay kabahin sa konseho ang nagkadaiyang ahensya sa gobyerno lakip ang Department of Trade and Industry, Department of Agriculture ug Department of Energy nga magtinabangay sa pagmonitor sa presyo ug suplay sa mga nag-unang palaliton.
Gilauman sa Provincial Agriculturist, nga pinaagi sa pag-activate sa konseho, mas mapalig-on pa ang koordinasyon sa mga ahensya sa gobyerno aron mapugngan ang dili makatarunganong pagsaka sa presyo sa mga palaliton sa merkado nga misabay sa epekto sa oil price adjustments.
