Maisogon nga giangkon sa aktor ug kanhi “Hashtags” member nga si Nikko Natividad nga siya ang lalaki sa adult video scandal sa social media.
Sa usa ka eksklusibong pakighinabi ni Ogie Diaz niadtong Biyernes, March 6, wala na nangatarungan pa ang aktor ug direktang miangkon sa iyang nahimong sayop.
Sumala ni Nikko, nahitabo ang maong video niadtong tuig 2023 hangtod 2024. Giangkon niya nga “nademonyo” siya ug nadala sa tentasyon sa unod.
Gipakawalay-bili sa aktor ang mga rason nga kunohay nag-away sila sa iyang asawa maong nabuhat niya kini. Matod niya, tinood nga iyang kakulang ug sayop ang tanan.
Dugay na matod pa siyang nakabantay nga gihimoan siya og video apan nahadlok siya nga motug-an sa iyang asawa tungod sa kahadlok nga biyaan siya niini, ilabi na nga naningkamot na siya nga magbag-o sa iyang kinabuhi.
Emosyonal usab nga gipaambit ni Nikko ang sakit nga reaksyon sa iyang asawa nga si Cielo. Nahitabo ang paggawas sa video usa ka adlaw human sa ilang ika-12 nga anniversary isip magtiayon.
Gibutyag sa aktor nga grabeng hilak ni Cielo diin miabot pa sa punto nga hapit kini ma-dehydrate ug nakahunahuna og daotan sa kaugalingon tungod sa kaguol. Sige usab matod pa og pangutana ang iyang asawa kon “naa ba siyay kulang” o “ngil-ad ba siya” maong nahimo kadto ni Nikko.
Bisan pa sa grabeng kasakit, nagpagawas og pamahayag si Cielo pinaagi sa Facebook. Matod niya, gipili nila nga ayuhon ang ilang relasyon ug panalipdan ang ilang pamilya.
“Dili man perpekto ang among istorya, apan tinuod ang among gugma. Uban sa Diyos, nagtuo kami nga posible pa ang pag-ayo ug pagpasig-uli,” tipik sa post ni Cielo.
Photo Courtesy: Fashion Pulis
