Liam ka mga indibidwal ang nadakpan sa kapulisan sa gilunsad nga drug buy-bust operation sa Purok Sampaguita, Barangay Kagawasan, Pagadian City, adlaw’ng Byernes, Marso 6, 2026.
Gipangunahan ang operasyon sa mga personahe sa ZSPDEU, PIU-ZSPPO, 902nd RMFB 9, ug Pagadian City Police Station, sa koordinasyon sa PDEA-9 nga miresulta sa pagkasikop sa mga suspetsado nga pulos hamtong ang pangidaron.
Lakip sa nakumpiska sa operasyon ang usa ka medium sachet ug 16 ka gagmay’ng pakete sa gituohang shabu, buy-bust money, mga mobile phones, drug paraphernalia, ug caliber .45 pistol nga may magazine ug bala.
Ang tanang nakuhang druga gisubmitar sa Zamboanga del Sur Provincial Forensic Unit alang sa laboratory examination.
Samtang ang mga suspetsado anaa na gikostudiya sa Pagadian City Police alang sa pagpasaka sa tukmang kaso.
Photo Courtesy: LAtimes.com
