Nisang-at og reklamong perjury si kanhi senador Antonio Trillanes sa Department of Justice (DOJ) niadtong Huwebes, Marso 5, batok sa 18 ka kanhi Marines ug uban pa kalabot sa mga pasangil nga naglambigit kaniya ug sa mga imbestigador sa International Criminal Court (ICC).
Gipasaka usab ang mga reklamo sa cyber libel batok kang Atty. Levito Baligod, kanhi kongresista Mike Defensor, kanhi broadcaster Jay Sonza, kanhi NTF-ELCAC spokesperson Lorraine Badoy ug vlogger Cathy Binag.
Una nang gihimakak ni Trillanes ang maong alegasyon ug giinsister nga wala makadawat ug $2 million alang sa sa operasyon sa ICC.
Una nang nipasaka og reklamo si National Security Adviser Eduardo Año tungod sa paglapas sa Article 154 sa Revised Penal Code (Unlawful Utterances and Publication) kalabot sa RA 10175 (Cybercrime Prevention Act of 2012) sa DOJ niadtong Miyerkules batok sa 18 ka mga kanhi sundalo, Atty. Baligod ug Defensor tungod sa giingong “malicious and fabricated” nga akusasyon.
Photo Courtesy: Inquirer
