Posibleng magsangka pag-usab si Alex Eala ug ang world No. 4 nga si Coco Gauff sa ikatulong hugna sa BNP Paribas Open sugod karong semanaha sa Indian Wells, California.
Gipagawas sa WTA ang draw alang sa 1000-level tournament. Si Eala nakaseguro na og tiket sa ikaduhang hugna tungod sa iyang bye.
Ang modaog sa first-round match tali ni Zhang Shuai sa China ug Dayana Yastremska sa Ukraine makigsangka sa 20-anyos nga Filipina netter sa ikaduhang hugna. Kon modaog si Eala sa ikaduhang hugna, posibleng ikasangka niya si Gauff, kinsa sunod ra niya sa draw.
Si Gauff, kinsa nakadawat sab og bye tungod sa iyang ika-upat nga seeding sa torneyo, nagpaabot sab sa ikaduhang hugna ug makigsangka sa mananaog sa wild card nga si Bianca Andreescu ug usa ka qualifier sa ikaduhang hugna.
Si Eala ug Gauff nagkita sa quarterfinals sa Dubai Tennis Championships sa miaging buwan sa United Arab Emirates
Photo Courtesy: SPORTS WORLD
