Gipasalig ni Gilberto Teodoro Jr. nga dili madalahig ang Pilipinas sa tensiyon tali sa Estados Unidos ug Iran.
Sa interbyu niadtong Marso 3, giingon ni Teodoro nga “walay basehan” ang kabalaka nga mahimong madani ang nasud sa panagbangi, tungod kay ang kahimtang sa seguridad sa Pilipinas lahi sa sitwasyon sa Middle East. Matod niya, ang mga alyansa sa nasud kay para lamang sa depensa ug pagpugong sa hulga.
Giinsistir usab ni Teodoro nga ang tensiyon sa Middle East dili makaapekto sa seguridad sa Pilipinas ug dili angay ikumpara sa kahimtang sa Indo-Pacific.
Bisan pa man, nagpadayon sa pagmonitor ang gobyerno sa kahimtang sa mga Overseas Filipino Workers sa rehiyon ug nakigkoordinar ang National Disaster Risk Reduction and Management Council, Department of Migrant Workers, ug Department of Foreign Affairs alang sa posibleng repatriation kon gikinahanglan.
Photo Courtesy:PNA
