Giplano sa China nga ipakita ang ilang target sa sunod nga lima ka tuig kung unsaon nila pagpanindot sa ekonomiya ug pagpalig-on sa posisyon sa kalibutan pinaagi sa teknolohiya ug mga inobasyon.
Gisugdan na sa China sa miaging lima ka tuig ang pag-develop sa bag-ong mga teknolohiya sama sa AI, humanoid robots, 6G, ug renewable energy. Sa sunod nga lima ka tuig, plano nila kini gamiton ug ipakita sa tibuok nasod, ilabi na sa manufacturing industry ug dagkong mga siyudad, kini aron molambo ang ekonomiya ug mapalig-on ang teknolohiya sa maong nasod.
Ang gobyerno sa China, pinaagi sa annual “Two Sessions” meeting, mag-aproba sa 15th Five-Year Plan diin magtan-aw sa skills sa mga trabahante, pag-develop sa kagamitan, ug pag-pangandam sa China aron mahimong global leader sa technology.
Bisan pa man sa mga problema sama sa hinay nga growth, ubos nga consumer spending, ug trade tensions sa US, nagtuo ang China nga kini nga plano makatabang sa pagpalambo sa ekonomiya ug maipakita sa tibuok kalibutan nga kaya nila manguna sa natad sa teknolohiya.
Photo Courtesy: Ji Siqi
