Naka-schedule na ang panagsangka og balik sa Pinoy boxing champion nga si Manny Pacquiao ug ni Floyd Mayweather Jr. Mahitabo kini sa Sphere sa Las Vegas karong Septyembre 19.
Kini ang unang higayon nga mag-abot sila pag-usab human sa ilang unang away niadtong 2015. Kahinumduman nga ang 48-anyos nga si Mayweather mismo ang nianunsyo sa iyang pagbalik sa ring.
Matod pa ni Pacquiao, nagpabilin kini nga usa sa pinakadakong away sa kasaysayan, nga daghan ang naghinam-hinam sa ilang rematch. Ang ilang unang sangka kaniadto ang giila nga adunay pinakadakong kita nga niabot og $600 milyon nga revenue.
Tuig 2017 sa dihang nianunsyo si Mayweather sa iyang pagretiro human makuha ang perpekto nga record nga 50 ka daog ug walay pilde. Apan sukad niadto, nisulod pa gihapon siya sa pipila ka mga exhibition fight. Samtang si Pacquiao usab, niatbang sa iyang uwahing away batok kang Mario Barrios sa Las Vegas sa miaging tuig.
Photo courtesy: Fox Sports
