Gilapag ni Konsehal Marlo Tabac sa hawanan sa Konseho ang problema sa pagbaha ug pagdahili sa yuta sa Barangay Puerto ug Barangay Agusan sa syudad labi na human sa Bagyong Basyang.
Atol sa regular nga sesyon kagahapong adlawa, gisaysay ni Konsehal Tabac nga hinanaling mabisitahan ang Barangay Puerto aron nga ma-inspeksyon ang nagtunhay nga mga unfinished infrastructure projects sama nalang sa drainage system sa kompanyang A Brown nga nakatampo sa pagbaha sa pipila ka mga purok sa nahisghutang barangay.
Samtang ang sitwasyon sa Barangay Agusan, kung asa natala ang pagdahili sa yuta nga nikalas og 4 ka kinabuhi, angay sab susihon ang drainage master plan sa pipila ka mga kompanya ug subdivision developer sa ilang lugar.
Gidugang pa ni Konsehal Tabac ang hangyo nga maka-avail sa social housing sa syudad ang mga residente sa Barangay Agusan nga naapektuhan sa Bagyong Basyang nga anaa karon sa temporary shelters.
Photo courtesy: Cagayan de Oro City Council
