Gamay nga mga lantern ug string lights mipuno sa mga kadalanan sa Gaza City samtang gisugdan ang unang Ramadan sukad sa ceasefire niadtong Oktubre.
Bisan pa sa kadaut sa mga building ug nagkatapok nga debris, nagpadayon gihapon ang mga residente sa pag-dekorar sa kadalanan ug pagsimba sa unang adlaw sa Ramadan.
Daghang mga Muslim ang misimba sa Omari Mosque sa fajr prayer, bisan nagtakuban og jackets tungod sa katugnaw.
Nagpabilin ang kakulang sa suplay ug mahal ang presyo sa mga palaliton, nagpalisod sa mga residente sa pagpangandam sa Iftar ug Suhoor.
Sa Al-Mawasi, daghang pamilya nagpuyo sa tent ug limitado ang kalipay sa Ramadan tungod sa pagkawala sa mahal sa kinabuhi ug kakulang sa suplay ug pagkaon.
Bisan pa niini, daghang residente ang nakakita gihapon og higayon sa kalipay pinaagi sa paghiusa sa pamilya ug silingan sa pagpangandam sa pagkaon ug pagbutang sa dekorasyon.
Hiayran, Halos tanan sa 2.2 milyones nga residente sa Gaza napugos sa paghawa sa ilang balay sa kapin duha ka tuig nga gubat.
Bisan pa niini, ang unang Ramadan human sa ceasefire naghatag gamay nga paglaum ug kalipay sa komunidad.
Photo Courtesy:The Independent
