Nakumpiska sa Philippine National Police (PNP) ang kapin Php1 bilyon nga kantidad sa smuggled cigarettes gikan Enero 1 hangtod Pebrero 12, 2026, sa nagkalain-laing operasyon sa tibuok nasud.
Sa press briefing, gibutyag ni PNP spokesperson PBGen. Randulf Tuaño nga nahimo ang 1,150 operasyon sa nasud ug nadakpan ang 719 ka indibidwal nga nalambigit sa smuggling.
Gipahibalo sa PNP ang duha ka klase sa operasyon: ang anti-smuggling operations kontra sa mga lusot nga imported cigarettes ug ang anti-illegal manufacturing sa lokal nga produksyon sa sigarilyo nga walay buhis.
Pipila ka grupo nag-assemble og makina aron maghimo og illegal cigarettes sa lokal, samtang ang uban nagpadayon sa pag-smuggle gikan sa gawas.
Gisulti ni Tuaño nga ang kampanya kontra sa illicit tobacco trade magpadayon ug palig-onon pa sa tibuok nasud.
Sukad nagsugod ang termino ni PNP Chief Jose Melencio Nartatez Jr., nakumpiska na ang kapin Php4 bilyon nga kantidad sa illicit cigarettes sa Pilipinas.
Ang operasyon dili lang sa Luzon, apan gi-monitor usab sa Visayas ug Mindanao aron masiguro ang pagpatuman sa balaod ug proteksyon sa ekonomiya.
Photo Courtesy:ABS-CBN
