Gihangyo ni kanhi presidente Rodrigo Duterte ang International Criminal Court (ICC) nga tugotan siya nga dili na motambong sa iyang confirmation of charges hearing nga gitakdang ipahigayon karong Pebrero 23 hangtod 27 sa The Hague, Netherlands.
Sa sulat nga gisumite sa iyang abogado nga si Nicholas Kaufman niadtong Pebrero 18, miingon si Duterte nga siya “tigulang na siya, gikapoy na, ug luya na”. Gidugang pa niya nga gusto niyang respetuhon sa korte ang iyang kahimtang sulod sa selda nga iyang ginapuy-an karon.
Matod pa sa ICC rules, pwede nga ipadayon sa mga judges ang hearing bisan wala si Duterte, kon makakita sila og igo nga basihan. Mahimo usab nila kining ibasura ug obligahon si Duterte nga motambong gyud sa hearing.
Gipatin-aw usab ni Duterte sa iyang waiver nga wala niya ilha ang hurisdiksyon sa ICC batok kaniya, ug giingong siya usa ka Pilipino nga pugsanon nga gikidnap ug gidala ngadto sa The Hague nga supak sa Konstitusyon ug soberanya sa nasud Pilipinas.
Dugang niini nga bakak lang matod pa ang mga alegasyon nga siya nagdumala sa polisiya sa alegasyon nga extrajudicial killings. Bisan pa sa mga kaso ni Duterte sa ICC, miingon kini nga andam siya modawat sa posibilidad nga mamatay sa prisohan, apan gipasigarbo niini nga ang iyang “kasingkasing ug gugma magpabiling anaa sa Pilipinas.”
Photo Courtesy: ICC
