Nagpahigayon na usab ang militar sa Estados Unidos og mga airstrike batok sa tulo ka mga barko nga giingong nagdala og ilegal nga droga sa silangang Pasipiko ug Caribbean, sumala sa United States Southern Command (SOUTHCOM).
Sa usa ka pahayag nga gipagawas sa SOUTHCOM, 11 ka tawo ang namatay sa operasyon. Base sa report, ang mga awtoridad giingong nakadawat og impormasyon sa paniktik nga ang mga barko nga gitarget nagdala og mga kontrabando nga gidudahang ilegal nga droga.
Sumala sa mga detalye, upat ka tawo ang namatay sa unang barko, upat sa ikaduha, ug tulo sa ikatulo nga barko. Walay gitaho nga mga samad o kamatayon sa bahin sa militar sa US.
Sukad sa Septyembre sa miaging tuig sa dihang gipakusog ang mga operasyon sa airstrike, hangtod sa 135 ka tawo ang gitaho nga namatay sa sunod-sunod nga mga opensiba batok sa gidudahang mga barko nga nagbaligya og droga sa rehiyon.
Giangkon ni Donald Trump nga ang mga barko nga gipadagan sa mga drug cartel mao ang pangunang tinubdan sa ilegal nga droga nga misulod sa Estados Unidos. Sumala kaniya, kini nga mga operasyon kabahin sa mas gipakusog nga kampanya batok sa transnational drug trafficking.
Photo Courtesy:BBC
