Nagtrabaho ang Pilipinas kauban ang Israel sa pag-establisar og direktang biyahe sa eroplano tali sa Manila ug Tel Aviv sulod niining tuiga, tungod sa interes sa mga Israeli nga mobisita sa mga nag-unang destinasyon sa nasod.
Matod ni Department of Transportation (DOTr) acting Transportation Secretary Giovanni Lopez nga anaa na ubos sa negosasyon kauban ni Israeli delegation pangunahan ni Israel Ambassador to the Philippines Dana Kursh nga suportado sa DOTr ang planong direktang flight.
Pagbutyag ni Lopez nga tinguha sa DOTr nga malusad ang direct flight ning tuiga.
Isip ginikanan nga ahensya sa flight regulator nga Civil Aeronautics Board, paspasan niini ang pagproseso sa mga kinahanglanon aron maablihan ang bag-ong serbisyo.
Si Kursh, sa iyang bahin, misulti kang Lopez nga ang Israel interesado sa pagdugtong sa Manila ug Tel Aviv pinaagi sa kahanginan, tungod sa tinguha sa mga Israeli nga mobisita sa labing maayong mga destinasyon sa Pilipinas.
Gipasiugda usab ni Ambassador Mendiola ang kahinungdanon sa direktang mga biyahe aron mapalambo ang pangnegosyo ug ang pakigbinayloay tali sa mga katawhan sa duha ka nasod.
Photo Courtesy: Bilyonaryo.com
