Gipadayag ni Senadora Risa Hontiveros nga andam siya sa bisan unsang papel nga ihatag sa united opposition sa 2028 elections, lakip na ang pagdagan isip presidente o bise presidente. Kini iyang gipahayag sa usa ka panagtigom sa ubang personalidad sa oposisyon didto sa Metro Manila.
Gitambongan sa maong miting ang pipila ka iladong lider sa oposisyon lakip si kanhing Bise Presidente ug karon Naga City Mayor Leni Robredo, Senador Francis Pangilinan, Akbayan party-list Representative Chel Diokno, ML party-list Representative Leila de Lima, kanhing Senador Franklin Drilon, ug kanhing Budget Secretary Butch Abad.
Gipasabot ni Hontiveros nga ang iyang posibleng pagdagan wala gihisgutan sa maong panagtigum ug wala pa sab tukmang plano kung kinsa ang kandidato sa oposisyon. Segon niini, andam siya mosunod sa desisyon sa usa ka nagkahiusang oposisyon ug mosuporta sa team o slate nga maporma alang sa sunod nga piniliay.
Photo Courtesy: The star
