Gipahagsa sa US military ang usa ka Iranian drone nga mipaduol sa ilang aircraft carrier sa Arabian Sea. Sumala kang US Central Command spokesperson Tim Hawkins, gigamit nila ang usa ka US fighter jet gikan sa USS Abraham Lincoln aron ipahagsa ang drone.
Ang maong lakang gihimo isip proteksyon sa ilang aircraft carrier ug sa mga personnel nga sakay niini. Usa ka klase sa Shehed-139 drone ang gipahagsa sa F-35C Fighter jet gikan sa Lincoln sa bahin sa habagatang bahin sa kadagatan sa Iran.
Nahitabo ang insidente dihang andam na unta mopadala ang Iran sa ilang ginsakpan alang sa malinawon nga panagtagbo sa US.
Una nang giingon ni Trump nga andam silang moatake sa Iran kon dili kini mohunong sa paghimo og nuclear, ug kon mosaka ang ihap sa mga namatay nga protesters tungod sa pagkahugno sa ilang ekonomiya.
Photo courtesy to: Euronews.com
