Duha ang angol sa nahitabong pagpanigbas, nga nahitabo sa Bansalan Public Bus Terminal niadtong nakalabay nga adlaw. Samtang daling gidala sa ospital ang suspek ug biktima nga parehong habal-habal driver kinsa kaangkon og mga samad sa kalawasan.
Giila ang suspek nga si alyas “Pedro Sedon,” 67-anyos, samtang ang biktima mao si alyas “Lando Albor,” 51-anyos.
Makita sa CCTV nga gigamit sa suspek ang lagaraw sa pag-atake, apan nakabalos ang biktima pinaagi sa pagdunggab human kini makalikay.
Nadiskobrehan nga sa wala pa ang nahitabo ang insidente, nag-una ang init nga lalis tali sa duha matod pa sa ilang kauban nga drayber.
Sa kasamtangan padayon ang imbestigasyon sa Bansalan PNP aron matino ang hustong kaso nga ipasaka batok sa suspetsado.
