Gipahibalo sa lokal nga prosecutor sa Toulon nga anaa karun sa kritikal nga kahimtang ang usa ka magtutudlo human kini gidunggab sa iyang estudyante atol sa klase sa usa ka middle school sa Sanary-sur-Mer, France niadtong Martes, Pebrero 3, 2026.
Base sa report, gidunggab ang biktima nga usa ka 60-anyos nga babaye sa tulo ngadto sa upat ka higayon gamit ang kutsilyo sulod mismo sa iyang classroom. Samtang naila usab ang suspek nga usa ka 14-anyos nga lalaki.
Matod pa ni prosecutor Raphael Balland nga wala’y nakit-an nga relihiyoso o politikal nga motibo ang maong pag-atake, apan aduna nay daan nga tensyon tali sa duha. Dugang pa niini, walay laing criminal nga rekord ang maong suspek.
Sa kasamtangan ang 14-anyos nga estudyante anaa na sa kustodiya sa kapulisan alang sa tukmang lakang ug dugang imbestigasyon.
Samtang gibutyag sa Punong Ministro kaniadto nga si François Bayrou nga ang gobyerno magpalig-on sa seguridad sa mga tunghaan, lakip na ang pagdugang ug seguridad kini human sa usa ka insidente sa pagpanunggab sa usa ka school assistant atol sa pag-inspeksyon sa bag sa mga tinun-an.
Photo Courtesy: The Tribune
