Patay na si Saif al-Islam Gaddafi, ang anak sa nitaliwan nga lider sa Libya nga si Muammar Gaddafi. Sumala kini sa gipagawas sa report sa kabanay ug sa iyang abogado. Samtang wala na nipagawas og detalye ang mga hingtungdan sa iyang kamatayon.
Kahibaloan nga si Saif al-Islam ilado sa nasod sa Amihanang Africa, ilabi na tungod sa iyang papel sa paghulma sa mga palisiya sa wala pa ang 2011, mikunhod ang iyang presensya sa publiko sa miaging mga tuig.
Niadtong tuig 2015, nipasaka og death sentence ang Libyan court batok kang Saif al-Islam tungod sa pagpugong sa malinawon nga mga protesta atol sa rebolusyon sa nasod niadtong 2011 nga nagtapos sa pagmando sa iyang amahan.
Niadto usab tuig 2021, narehistro isip presidential candidate alang sa December vote si Saif al-Islam. Apan sa katapusan, napukan kini taliwala sa usa ka politikal nga kahimtangan nga walay klarong kasulbaran.
Photo Courtesy: Kenya Insights
