Gimandoan sa liderato sa Philippine National Police (PNP) ang tanang police commanders bisan ang mga chief of police sa tibuok nasud nga pahugtan pa ang kampanya kontra loose firearms.
Kasunod kini direktiba ni Pangulong Ferdinand “Bongbong” R. Marcos, Jr. nga gamiton ang tanang posibleng pamaagi aron masiguro ang kaluwasan sa publiko.
Dungan niini, gitahasan ni PNP Chief, Police General Jose Melencio Nartatez Jr. ang Criminal Investigation and Detection Group (CIDG) ug Special Action Force (SAF) nga maglusad ug halapad nga operasyon batok sa tanang mga grupo nalambigit sa gun- running sa lain-laing bahin sa nasud.
Bisan nakakuha na ang PNP sa loose firearms niadtong nakalabayng tuig, gihatagan ug gibug-aton ni Nartatez nga kinahanglan pahugtan ang operasyon alang sa mas daghan pang mga loose firearms nga mabawi ug malikayan ang pagdaghan niini.
Dugang pa niya, gipahugtan ang intelligence-gathering aron gukdon ang mga grupong may kalabutan sa gun-running, ug mailhan ang mga bag-ong nalambigit sa pagpakaylap sa mga loose firearms lakip ang mga high powered firearms.
Photo Courtesy: Philippine News Agency
