Nasakmit sa Davao de Oro Police Provincial Office ang armas, mga bala, ug gituohang ilegal nga droga human sa usa ka search warrant operation sa Barangay Banlag, Monkayo, Biyernes sa gabii, Enero 30, 2026.
Gipangulohan ang operasyon sa Monkayo Municipal Police Station, uban ang tabang sa Provincial Intelligence Unit, Provincial Drug Enforcement Unit, 1st Provincial Mobile Force Company, ug Philippine Drug Enforcement Agency.
Giila ang usa ka indibidwal nga si alyas “Ronel” ang nadakpan sa maong operasyon. Ang mga nakumpiskang butang imbentaryo atubangan sa mga saksi, subay sa balaod ug hustong pamaagi.
karon anaa na ang suspek ug ang mga ebidensya sa kustodiya sa kapulisan, samtang giandam ang mga kaso alang sa paglapas sa Republic Act 9165 o ang Comprehensive Dangerous Drugs Act of 2002, ug Republic Act 10591 o ang Comprehensive Firearms and Ammunition Regulation Act.
