Nadawat na sa Bureau of Fire Protection (BFP) Region 9 ang mokabat sa 120 nga mga body-worn cameras nga gamiton sa fire safety personnel sa panahon sa fire safety inspection sa tanang mga establisiemento sa Zamboanga Peninsula.
Matod ni BFP 9 Regional Director FCSUPT Jerry Duhina Candido, nakapailawom na ang mga fire safety personnel ug seminar sa saktong paggamit, ug unsaon sa pagbalhin sa marecord nga video
Gisaysay ni RD Candido, subay sa direktiba ni DILG Secretary Jonvic Remulla, wala nay makahimo ug inspection nga mga fire personnel ug wala silay mapamilian ug mao lang ang pagsunod niini.
Pagpasabot ni RD Candido ang mga body-worn camera dako ug tabang sa pagpalig-on sa transparency, accountability, ug propesyonalismo sa pagpatuman sa balaod, lakip na sa pag-inspeksyon sa mga establisemento.
Gipaabot sa BFP-9 nga pinaagi niini, mas mapalig-on ang pagsalig sa katawhan ug mas masiguro ang hapsay ug tarong ang pagserbisyo sa komunidad.
Photo Courtesy: Philippine News Agency
