Padayong ginapahigayon ang Juander Radyo Loyalista Incorporated Orientation nga miabot sa Purok-9, Olaligan, Barangay Tugaya, Valencia City, Bukidnon niadtong Enero 24, 2026, nga gitambungan sa daghang katawhan sa barangay.
Ang orientation gipangulohan ni Victor Abitona, cluster head sa Juander Radyo Loyalista Incorporated sa upland Valencia City Cluster, inabagan sa mga coordinator nga sila Rechard Abello, Grace Abello, ug Ramon Gasfar.
Tumong sa kalihokan ang paghatag og kasayuran sa programa ug mga gimbuhaton sa organisasyon aron mapalig-on ang partisipasyon sa komunidad.
Sa maong kalihokan, pormal usab nga gipaila ang bag-ong mga coordinator sa Barangay Tugaya nga sila Loriza Limbaga ug Vilma Bores Pistin, nga gilauman nga manguna sa pagpatuman sa mga kalihokan sa organisasyon sa lugar.
Ang kalihokan nahimong higayon sa paghiusa ug pagpalig-on sa kooperasyon tali sa Juander Radyo Loyalista Incorporated ug sa komunidad sa Barangay Tugaya.
Photo Courtesy: JUANDER RADYO MALAYBALAY
