Nakakuha ug dakong dungog sa tibuok Caraga region ang Commission on Elections (COMELEC) Surigao del Sur human makadaog sa Masikhay Award 2025, isip pinakamaayong performing nga probinsya tali sa lima ka mga probinsya sa rehiyon sa Caraga.
Sumala kang Provincial Election Supervisor Riza Ann Donalyn Culima-Constantino, ikaduha na kining sunod-sunod nga tuig nga nadawat sa COMELEC Surigao del Sur ang maong award, human sa ilang unang pagdaug niadtong 2024.
Ang maong pasidungog gitunol ni COMELEC Caraga Regional Election Director Edwin O. Cadungog, kauban si Assistant Regional Election Director Geraldine C. Samson, atol sa awarding ceremony nga gipahigayon sa Butuan City niadtong Enero 28.
Gihatagan usab ang COMELEC Surigao del Sur sa laing pasidungog isip Most Efficient Province tungod sa ilang hapsay ug paspas nga pagsumiter sa accomplishment reports alang sa 2025. Kini nagpakita sa ilang kakugi, kaepektibo, ug lig-on nga paningkamot sa pagpatunhay sa matinud-anon ug kasaligan nga eleksyon.
Photo courtesy: COMELEC Caraga
