Gikumpirma sa Integrated Provincial Health Office (IPHO) Zamboanga del Sur ang pagtala sa taas nga ihap sa mga kaso sa tipdas sa lalawigan sa tuig 2025, nga usa sa mga nakitang hinungdan sa pagsaka sa kaso mao ang kakulang sa bakuna sa pipila ka mga kabataan ug ang pagkalangan sa regular immunization sa miaging mga tuig.
Segon pa ni Claudine Cariz Peldona Registered Nurse sa IPHO nga sukad sa 2022 hangtod sa 2025 nagkataas ang confirmed measles cases apan ang pinakadaghang kaso sa tigdas natala sa tuig 2025.
Dugang pa niya, ang syudad sa Pagadian ang adunay pinakataas nga confirmed measles cases tungod kay ang dakbayan ang may pinaka daghan nga populasyon nga gisundan sa lungsod sa Bayog.
Sa samang bahin padayon nga giawhag sa mga health workers ang mga katawhan nga magbantay sa mga sintomas sa tipdas og mobisita dayon sa pinakaduol nga health center.
Sa karon padayon nga nagbantay ang DOH sa sitwasyon aron mapanalipdan ang kahimsog sa katawhan ug malikayan ang dugang pagsaka sa measles cases sa Zamboanga del Sur.
Photo Courtesy:CDC
