Giaprubahan na sa House Committee on Higher and Technical Education ang House Bill No. 4699 nga nagtahas sa Technical Education and Skills Development Authority (TESDA) nga magpatuman sa technical-vocational training ug livelihood programs alang sa mga rehabilitated drug dependents.
Tumong sa sugyot nga mahatagan ang mga benepisyaryo sa igo ug ubang mga kahanas aron makakita ug trabaho ug makasugod sa kaugalingong panginabuhian.
Gitahasan usab sa Department of Labor and Employment (DOLE) nga maghatag ug insentibo sa mga kumpanyang mudawat sa mga benepisyaryo sa programa.
Segun ni House Committe on Higher and Technical Education Chairman Representatives Jude Acidre, mahinungdanon ang rehabilitasyon kung may kasunod nga konkretong oportunidad sa panginabuhian aron mahimong hingpit ang pagpabalik sa mga indibidwal sa komunidad.
Ang sugyot giduso ni Leyte 1st District Representative Ferdinand Martin Romualdez kauban ang uban pang mga representante sa TINGOG Party List nga pondohan pinaagi sa General Appropriations Act ug gitahasan ang TESDA ug DOLE nga muhimo ug implementing rules sulod sa 60 ka adlaw gikan sa bisa sa balaod.
Photo Courtesy: Philippine Information Agency
