Nasiplatan ang giingong duha ka mahalong sakyanan nga konektado matod pa kang kanhi Congressman Zaldy Co sa probinsya sa Albay.
Matod ni Philippine National Police – Highway Patrol Group (PNP-HPG) Director Brig. Gen. Hansel Marantan, duha ka sakyanan ang napalgan ug kasamtangang anaa sa proseso sa imbestigasyon partikular sa nasangpit nga probinsya.
Gidetalye sa opisyal sa HPG ang mga sakyanan nga nakit-an mao ang Fortuner ug Cadillac.
Una nang nadiskubrehan sa HPG ang 14 ka mga luhong sakyanan nga giingong konektado kang Co sa usa ka condominium sa Taguig City. Ang 12 niini sa ulahing gitugyan ngadto sa Independent Commission for Infrastructure (ICI).
Sa karon, matod sa HPG Director, napulo pa ka mga sakyanan nga konektado sa kanhi magbabalaod ang gipangita.
Photo Courtesy:Inquirer
