Miabot sa 18,993 ka mga trabahante gikan sa 23 ka dagkong establisemento sa Caraga Region nga narehistro ubos sa PhilHealth Yaman ng Kalusugan Program (YAKAP) sa 2025 karon kwalipikado ug makabenepisyo sa lain-laing libre nga serbisyo medikal.
Ang registration drive gipasiugda sa Department of Labor and Employment (DOLE) Caraga, kauban ang PhilHealth Caraga, aron masiguro nga ang mga empleyado nasayud sa programa ug giya sa husto sa proseso sa pagparehistro.
Pinaagi sa YAKAP, ang mga trabahante makabenepisyo sa daghang libre nga serbisyo medikal, sama sa access sa importante nga tambal, preventive screenings, outpatient laboratory tests, ug primary care consultations. Apil usab niini ang cancer screenings, ug ang programa nagtugot sa digital registration ug prescription system pinaagi sa eGovPH app, aron mas sayon ug mas accessible ang healthcare para sa mga empleyado.
Photo courtesy: DOLE Caraga
