Gikumpirma sa supreme leader sa Iran nga liboan ka mga nagprotesta ang namatay. Sumala pa ni Ayatollah Ali Khamenei nga sa kapin sa tulo ka libo nga namatay, iyang gibasol ang ilang kamatayon sa mga hulga sa US.
Base sa Iranian Human Rights Activists News Agency (HRANA) nga nakabase sa US nagbanabana nga kapin sa 3,090 ka mga aktibista ang namatay.
Giawhag ni US President Donald Trump ang mga nagprotesta nga ipadayon ang ilang mga protesta ug gihulga nga manghilabot sa militar kung ilang patyon ang mga nagprotesta.
Gidugang ni Khamenei nga giisip nila si Trump nga usa ka kriminal tungod sa mga kaswalti, kadaot ug pagbutangbutang nga iyang nahimo sa Iran.
Kahinumduman nga nagsugod ang mga protesta niadtong Disyembre 28 tungod sa pagkahugno sa ekonomiya sa Iran.
Photo Courtesy: Stimson Center
