Gitambagan nga mobakwit ang pipila ka mga personahe gikan sa militar sa US nga Al Udeid Air Base sa Qatar. Ang nasangpit nga lakang nunot sa pamahayag ni US President Donald Trump nga posibleng manghilabot sila sa nagpadayong madugoong lihok protesta sa Iran.
Gipasalig sa Qatar nga padayon silang magmatngon nga dili mosamot ang tensyon sa rehiyon. Pinakadako nga base sa US ang Al Udeid sa Middle East nga adunay 10,000 ka mga sundalo.
Kahinumduman nga kaniadtong miaging tuig naglunsad ang US ug airstrike sa Iran, hinungdan nga daghang mga personahe ug ilang pamilya ang nibakwit sa Middle East.
Photo Courtesy: BRN
