Dead on the spot ang usa ka security guard human kini gipusil sa ulo samtang nagduyan pasado alas 2:25 sa kadlawon sa Prk. 5, KPS, DBP Homes 2, Brgy. Mabuhay, syudad sa Gensan, niadtong nakalabay nga adlaw.
Ang biktima mao si Romneck Rondubio, 29-anyos, ulitawo ug residente sa Prk. 6, Baluntay, Alabel, Sarangani Province.
Base sa gipahigayong imbestigasyon kapulisan, kalit matod pang gipusil sa wala mailhing suspetsado ang biktima samtang nagpahuway kini sa duyan gawas sa bunkhouse.
Naka-angkon ang biktima ug pinusilan sa agtang gamit ang 9mm nga pistola rason sa iyang kamatayon. Dugang pa sa maong panghitabo nakig-inom pa ang biktima uban ang iyang kaubanang guwardiya adisir kini natulog sa duyan. Samtang gibutyag sa niini nga naa siyay kabikili, apan wala niya gisulti ang pangalan niini.
Sa kasamtangan padayon pa ang imbestigasyon sa Mabuhay Police Station samtang duna na silay POI kalabot sa maong panghitabo.
Photo Courtesy:Mabuhay Police Station
