Samad tinigbasan ang na-angkon sa usa ka 26-anyos nga laborer human kini gitigbas sa 19- anyos nga suspetsadong gikataho nga may sakit sa pangutok nga nahitabo sa Barangay Picturan, Sominot, Zamboanga del Sur, adlaw’ng Miyerkules, Enero 14, 2026.
Sa report sa Sominot Municipal Police Station, nahitabo ang insidente samtang nagtindog ang biktima duol sa barangay hall sa dihang siya giduol suspetsado ug kalit gitigbas ang biktima gamit ang sundang igo sa may tuong abaga.
Dali nga gidala ang biktima sa Rural Health Unit (RHU) Sominot alang sa dinaliang pagtambal nga gi-refer na usab dayon ngadto sa Zamboanga del Sur Medical Center in Pagadian City alang sa mas tukmang pagtambal.
Gibutyag sa Barangay Captain sa Picturan, nga may diprensya sa pangisip ang suspetsado nga karon padayon pa sab nga gipangita sa kapulisan aron kini madakpan.
Photo Courtesy: PD ZSPPO, PRO 9
