Usa ka makalilisang nga insidente ang nahitabo sa kasadpang bahin sa Uganda human gilamoy sa usa ka hippopotamus ang 2-anyos nga bata duol sa Lake Edward sa Kasese District.
Matod sa lokal nga kapulisan, samtang nagdula ang bata duol sa ilang panimalay, kalit nga mitungha ang maong hayop og gilamoy ang maong bata. Apan nakabantay ang usa sa mga silingan sa maong bata og gilabay kini og bato og gibunalan, hinungdan nga nalisang kini ug giluwa ang bata.
Daling gidala ang bata sa ospital aron matambalan ang samad sa bukton ug mabakunahan sa rabies. Matod sa mga doktor, stable ang kahimtang sa bata ug gipagawas na human sa hustong pag-atiman.
Gihulagway sa mga otoridad ang insidente nga talagsa ra kaayo, ug gihimangnoan ang mga residente duol sa wildlife areas nga magmatngon ug likayan ang pagpaduol sa mga bata sa delikadong mga mananap.
Photo Courtesy: WATERCOOLER
