Gihimo pag-usab sa syudad sa Groningen, Netherlands ang World Diving Chess Championships niadtong Disyembre 29, 2025. Ang diving chess usa ka talagsaong isport nga naghiusa sa dula sa chess ug paglusong ilawom sa tubig, diin ang mga magdudula maghimo og lihok sa chess samtang nagkupot sa ilang ginhawa.
Kap-atan lamang ka magdudula ang miapil sa torneyo tungod sa limitadong gidaghanon sa chessboards nga magamit ilawom sa tubig. Sa men’s category, midaog ang Dutch FIDE Master nga si Zyon Kollen. Samtang sa women’s category, nanguna ang 17-anyos nga si Josephine Damen.
Sumala sa mga tigpasiugda, ang diving chess gilaraw aron ipakita ang talagsaong kombinasyon sa kusog sa hunahuna ug kusog sa lawas, nga nagkinahanglan og konsentrasyon, estratehiya, ug pisikal nga kalig-on.
Photo Courtesy: ChessBase
